ಜ ಪದದಿಂದ ಪ್ರಾರಂಭವಾಗುವ ವಚನಗಳು:
ಜಗವೆಲ್ಲವೂ ಗೋವಿನ ಹಂಗು.ನರ ಸುರಾದಿಗಳೆಲ್ಲರೂ ಗೋವಿನ ಹಂಗು.ಸಕಲ ಜೀವನ ಆಧಾರ ಗೋಮರ.ಗೋಕುಲಕ್ಕೆ ಒಡೆಯ ಗೋಪತಿಧರ.ಗೋ ಪ್ರಾಣಸ್ವರೂಪಗೋವಿಂದನೊಡೆಯ ನಾರಾಯಣಪ್ರಿಯರಾಮನಾಥಾ.
ಜಲದಲ್ಲಿ ಹುಟ್ಟಿದ ಚರಾದಿಗಳೂ ಸರಿ,ಜಲವೂ ಸರಿಯೆ.ಅನಾದಿ ವಸ್ತುವಿನಲ್ಲಿ ಹುಟ್ಟಿದಬ್ರಹ್ಮ ಆದಿಯಾದ ಬಾಧಿಸಿಕೊಂಬ ದೈವವೂ ಸರಿಯೆ,ವಸ್ತುವೂ ಸರಿಯೆ.ಇದನಲ್ಲ ಅಹುದೆನಬಾರದುಸಂತೆಗೆ ಬಂದವರೆಲ್ಲಕ್ಕೂ ಬೆಲ್ಲದ ವ್ಯವಹಾರವೆ?ನಾರಾಯಣಪ್ರಿಯ ರಾಮನಾಥಾ.