ಜಂಗಮವೆಂತವನೆಂದಡೆ :
ನಿಜಸ್ವರೂಪವಾದಾತನೀಗ ಜಂಗಮ.
ಅಧೀನವುಳ್ಳಾತನು ಅಲ್ಲ, ಅಧೀನವಿಲ್ಲದಾತನು ಅಲ್ಲ.
ಸಾಕಾರನು ಅಲ್ಲ, ನಿರಾಕಾರನು ಅಲ್ಲ.
ಶಾಂತನು ಅಲ್ಲ, ಕ್ರೋಧಿಯು ಅಲ್ಲ.
ಕಾಮಿಯು ಅಲ್ಲ , ನಿಷ್ಕಾಮಿಯು ಅಲ್ಲ.
ಖಂಡಿತನು ಅಲ್ಲ , ಅಖಂಡಿತನು ಅಲ್ಲ.
ದ್ವೈತಾದ್ವೈತವನುಳಿದು ದ್ವಂದ್ವಾತೀತನಾಗಿ
ನಿಜಗುರು ಶಾಂತಮಲ್ಲಿಕಾರ್ಜುನ ತಾನಾದ ಜಂಗಮ.

ಜಂಗಮವೆಂತವನೆಂದಡೆ :
ನಿಜಸ್ವರೂಪವಾದಾತನೀಗ ಜಂಗಮ.
ಅಧೀನವುಳ್ಳಾತನೂ ಅಲ್ಲ, ಅಧೀನವಿಲ್ಲದಾತನೂ ಅಲ್ಲ.
ಸಾಕಾರನೂ ಅಲ್ಲ, ನಿರಾಕಾರನೂ ಅಲ್ಲ.
ಶಾಂತನೂ ಅಲ್ಲ, ಕ್ರೋಧಿಯೂ ಅಲ್ಲ.
ಕಾಮಿಯಲ್ಲ, ನಿಷ್ಕಾಮಿಯಲ್ಲ.
ಖಂಡಿತನೂ ಅಲ್ಲ, ಅಖಂಡಿತನೂ ಅಲ್ಲ.
ದ್ವೈತಾದ್ವೈತವಳಿದು ದ್ವಂದ್ವಾತೀತನಾಗಿ,
ನಿಜಗುರುಶಾಂತಮಲ್ಲಿಕಾರ್ಜುನ ತಾನಾದ ಜಂಗಮ.